香港，這個孕育我們長大的家，快要死了

昨晚一直睡不著，想著 CY 的言論，想著場外的亂局，越想越心寒。

我不能強迫他人去關心政治，也不能強迫人人與我想法和立場一致，我能做到的，只是不斷在 FB share 消息。

香港，這個孕育我們長大的家，快要死了，你看得到嗎？

你愛你的家人，愛你的孩子，但你看到香港的將來嗎？

你享受著香港的經濟繁榮，享受著香港的言論自由，但你願意守護這地方嗎？

------------------------------------------------------------------

shared from Ricky Wai Kay Ip 
https://www.facebook.com/photo.php?fbid=10151853553178274&set=a.10151348751758274.530278.506443273&type=1


有D 朋友會覺得, 反政府, 反大陸, 反共嘅人同政黨而家搞到社會好亂, 淨係識搞事, 次次都暴力收場...其他野唔講, 淨係講尋日, 呢一班所謂撐政府, 幫緊政府嘅"蒙面俠"...係佢地講曬粗口鬧人,鬧警察,搞事,打人...etc. 如果一班人真心撐政府, 如果一個政府咁得民心, 佢嘅支持者使唔使帶曬口罩? 大家都係受過教育, 睇人同事都唔好咁表面, 咁樣好易跌入中共嘅圈套, 佢而家就係想令一班原本中立, 對政治無乜興趣同取態, 只想"和平,經濟好,穩定"嘅香港人覺得呢d 反政府政黨和活動一定係會用暴力, 所以近來先會有咁多呢d 所謂撐政府蒙面人同一班廣東話都未講得正嘅人仕出黎搞事, 如果一個政府要動員黑道中人去撐, 其實真係好可悲...

我講咁多係因為我真係覺得心寒, 一個話自己微服出巡又肯聽唔同意見但連正門都唔敢行嘅特首, 一個地區活動要動員長者通宵排隊拿籌入場支持, 再要動員黑社會, 甚至小朋友係場外搞事, 聽到呢班咁支持政府嘅人喺場外同警察講晒粗口話佢哋係幫緊政府又大大聲話唔好係警察面前打人, 去到出面馬路先打…etc. 作為一個正常嘅香港人你可以唔心寒嗎? 大家唔好再咁單純覺得政府係唔想有人搞事, 而家個情況係政府搵人嚟搞事, 佢嘅目的就正正係想令所有人都怕咗呢d政治活動, 想所有人都標籤呢d活動同人一定係暴力同非理性, 漸漸就可以爭取到一d中立人士嘅支持, 亦都會令到一d原本有考慮參與呢d政治活動嘅人卻步甚至反感, 到第日佔領中環真係發生, 我敢講就算參與嘅人幾和平都好, 都一定會有呢d人出嚟搞事搞到暴力收場, 因為如果真係比你和平佔中, 政府係冇藉口去打擊你, 而共產黨一直以來都係最怕人民齊心, 怕群眾, 所以無論用咩手段佢都一定會搞分化。

政治從來都唔係咁簡單咁單純咁表面, 共產黨政治更甚, 我真係唔想香港人中計, 亦都好想係我諗得太複雜, 而家好多嘢都好難睇得透, 但事實係一次比一次情況更甚更, 令我更心寒…喺呢個關鍵嘅時刻,我真係鼓勵大家關心多d, 睇多d關於政府同社會唔同方面嘅嘢, 正反嘅都要聽, 綜合咗再自己去分析, 唔好淨係睇主流新聞果d一, 兩分鐘嘅報道就去下判斷, 而家嘅電視新聞好多嘢都cut咗, 不盡不實, 政府嘅語言偽術更加係入咗化境, 而家真係好容易俾人轉移視線, 本末倒置。

一個地方嘅經濟, 社會穩定, 繁榮固然係重要, 但當你好努力去搵錢想俾最好嘅所有你自己, 你愛嘅人同下一代嘅同時, 請你都想想喺呢個我哋仲有機會發聲, 重未到絕望嘅關鍵時刻我哋應該要做啲乜或者去關心啲乜, 可以想像喺而家呢個政治環境下再發展落去如果我哋呢一代仲只係顧住賺錢,盲目追求所謂嘅穩定, 數字上嘅繁榮, 我可以肯定我哋嘅下一代只會面對更艱難嘅社會同政治環境, 而我哋亦都無盡到我哋嘅責任。

Our future is in our hands, do the right things NOW and don’t get distracted. 有感而發, 不喜勿插。

現今的港孩，到底是過著怎樣的生活？

以上問題，我不直接答你，我用例子答你。

今天看到一個電視廣告，豬津英文班自我推銷，聲稱能讓幼兒通過不同渠道認識和重溫字詞的詞義和用法，並學習在生活中運用，當孩子六歲的時候，他們所懂的詞彙量將達本地初中學生的水平。六歲的時候，要有初中生的水平。

又是今天，在FB裡，看到一位媽媽拍下兩歲不到的仔仔在上課的情況， 其中有朋友問是什麼學校？她回答：「AAAA的體操班，另外還有兩個playgroup，一間是BBBB，主攻英文，另外一間是 CCCC，可讓仔仔有多元發展 。」孩子還未到兩歲，谷谷谷。

又又是今天，在巴士上，坐我前面的小女孩拉著嫲嫲說：「嫲嫲～今個星期五呢… 跳舞啦、er…畫畫啦…同埋、同埋、英文都唔駛學呀！」之後便啦啦啦的在哼歌。她終於可以放暑假，一日咁多。

回想我的幼兒年代，只有幼稚園高中低班，每天只需上學三小時，其餘時間都是吃、玩、睡。到了小學時代，每朝看卡通，上學六個小時，每逢小息，一大班同學就會玩猜皇帝和小皮球 香蕉油 那兒開花一十一。到了週末，就在爺爺家和哥哥一起打遊戲機，由紅白打到超任，到他們用零用錢自己買了部 play station。

放暑假，媽媽就會帶我過澳門，住在姨姨家，足足兩個月，每天就是和哥哥和表妹表弟四圍玩。在姨姨家附近有個遊樂場，午飯後散步過去，會經過一家酒店的冷氣出風口，我們一班塞豆窿就在那兒乘涼。那時搭船過大海，船上還有老虎機；葡京只有一個，裡面還有兒童天地。

之後由中文小學升上了英文中學，同學個個英文嘞嘞聲，我依然沒去補習，放學後的課外活動是傾電話、ICQ、寫xanga、看美劇，讀書溫習？永遠放到最後。

如果以現今社會的標準，我的童年絕對白過了，浪費了吸收知識、學習語言的最好時機，輸了在起跑線；那我又用現今社會的標準回答一句：我文科會考22分、高考中文A、英文B、香港大學畢業。

說到這裡，原本應該只以一句「上面說了甚麼，自己參透一下吧！」作結，但為怕有人誤會我寫這文章是為了自誇，容我說得白一點：「Que sera, sera. Whatever will be, will be」，送給那巴士小女孩的父母，也祝福小女孩可以有一個輕鬆愉快的童年。